KASE РЕСМИ ТІЗІМІ

Биржаның ресми тізімінде 2020 жылдың 01 қаңтарындағы жағдай бойынша 20 эмитенттің 651 бағалы қағаздары, оның ішінде "Негізгі" сауда-саттық алаңында 104 эмитенттің 307 бағалы қағаздары, "Альтернативті" сауда-саттық алаңында 66 эмитенттің 87 бағалы қағаздары және "Аралас" сауда-саттық алаңында 38 эмитенттің 257 бағалы қағаздары болды.

2019 жылы екі қазақстандық брокерлік ұйымның бастамасымен Биржаның ресми тізіміне американдық компаниялардың 13 бағалы қағаздары, 4 ресейлік компаниялардың бағалы қағаздары, 1 ЖДҚ шығарылымы және 5 мемлекеттік бағалы қағаздардың 5 шығарылымы (Ресей Федерациясы, Түркия Республикасы, Украина және Оман Сұлтанатының үкіметтері шығарған облигациялар кірді).

Бұдан басқа, 2019 жылы алғаш рет Азия Даму Банкінің үш облигациясы және Еуропалық инвестициялық банктің бір облигациясы KASE тізіміне енгізілді. Жалпы алғанда, 2019 жылы KASE листингіне халықаралық қаржы ұйымдарының 19 облигациясы KASE листингінен өтті.

2019 жылдың қазан айында мемлекеттік және үкіметтік бағдарламаларды іске асыру аясында тұрғын үй құрылысын қаржыландыру мақсатында шығарылған, Түркістан облысының жергілікті атқарушы органының облигациялары алғаш рет биржаның ресми тізіміне енгізілді. Жалпы алғанда, 2019 жылы KASE тізіміне жергілікті атқарушы органдардың 22 облигациялар шығарылымы енгізілді.

2019 жылы Листингілік комиссияның 26 отырысы өткізілді, нәтижесінде 30 компания (оның ішінде 12 жаңа компания) листингтің толық рәсімінен өтті, 43 бағалы қағаз шығарылымы Биржаның ресми тізіміне енгізілді, оның ішінде: корпоративтік облигациялар – 36; жай акциялар – 3; инвестициялық қорлардың акциялары – 3 және артықшылықты акциялар – 1.

Жеңілдетілген рәсім бойынша, 2019 жылы 45 эмитент листингтен өтті (Қазақстан Республикасы Ұлттық Банкінің және Қазақстан Республикасы Қаржы министрлігінің бағалы қағаздарын қоспағанда). Сонымен, Биржаның ресми тізіміне 71 бағалы қағаздар шығарылымы енгізілді, олардың ішінде: жергілікті атқарушы органдардың облигациялары – 22; халықаралық қаржы ұйымдарының облигациялары – 19, жай акциялар – 16; шетелдік мемлекеттік облигациялар – 5, айналыс мерзімі бір жылға дейінгі облигациялар – 4; корпоративті облигациялар – 3, инвестициялық қорлардың акциялары – 1 және депозитарлық қолхаттар – 1.

2019 жылы айналыста болу мерзімінің аяқталуына, шығарылымның мерзімінен бұрын өтелуіне немесе жойылуына байланысты, 37 облигациялар шығарылымы Биржаның ресми тізімінен шығарылды. Бір эмитенттің артықшылықты акцияларының бір шығарылымы оның жай акцияларға айырбасталуына байланысты автоматты түрде шығарылды. Сондай-ақ, алты эмитенттің 7 акцияларының шығарылымы олардың эмитенттерінің бастамасы бойынша Биржаның ресми тізімінен шығарылды (ерікті делистинг) және бір эмитенттің бір шығарылымы жылдық листингілік алымды төлеу бойынша өтелмеген берешегі болуына байланысты шығарылды.

"ЛИСТИНГІЛІК ЕМЕС БАҒАЛЫ ҚАҒАЗДАР"

2019 жылы брокерлік ұйымдардың бастамасы бойынша KASE "Листингілік емес бағалы қағаздар" секторында үш эмитенттің үш эмиссиялық акцияларын шығарды, олардың 2 үш айдан кейін осы бағалы қағаздармен биржалық сауда- саттықтарда қатарынан 90 күнтізбелік күн бойы мәміленің болмауына байланысты шығарылды.

АУДИТОРЛЫҚ ҰЙЫМДАР

2019 жылы Директорлар кеңесінің Эмитенттердің аудиті жөніндегі комитетінің 4 отырысы өткізілді, оның қорытындылары бойынша екі аудиторлық ұйым Биржа мойындайтын аудиторлық ұйымдардың тізімінің екінші деңгейінен бірінші деңгейге өтті.

Сауда-саттықтың орташа күндік көлемі 827,5 млн. теңгені құрады, орташа күндік мәмілелер саны – 420, бір мәміленің орташа көлемі – 2,0 млн.

2019 жылы бастапқы нарықта бір орналастыру болды. Жай акцияларға жазылу аясында Ferro-Alloy Resources Limited бір акцияға 0,7 фунт (348.698 теңгеге баламалы) бағасымен 14 908 акцияны орналастырып, 10 435,6 фунт (5 198 389,8 теңге) қаржы тартты. Бастапқы қор нарығындағы сауда-саттық көлемі 2018 жылмен салыстырғанда 99,0 % төмендеді.

Акциялардың қайталама нарығындағы сауда-саттық көлемі 62,3 % төмендеп, 203,6 млрд. теңгені құрады. Мұндай елеулі төмендеу 2018 жылы қайталама нарықта бірнеше компаниялардың акционерлерінің ауысуы және "ҚазМұнайГаз" Барлау Өндіру" АҚ акцияларын сатып алу нәтижесінде туындаған тұрақсыз сипаттағы мәмілелердің үлкен көлемінің болуына байланысты болған.

АКЦИЯЛАР

Қайталама нарықтағы инвесторлардың негізгі санаттары бойынша жеке тұлғалар неғұрлым белсенді болып қалды, олардың шоттарына биржалық сауданың жалпы айналымының 51,5 % құрады. Екінші деңгейдегі банктердің (ЕДБ) қатысуы – 0,7 %, брокерлік-дилерлердің үлесі 24,5 %, басқа институционалды инвесторлардың үлесі 5,3 %, басқа заңды тұлғалардың үлесі 18,1 % болды. Резидент еместердің қатысуы 20,3 % бағаланды.

2019 жылдың аяғында KASE Индексі 2,6 % өсіп, 2363,79 тармақты құрады. Индекстік акциялар сауда-саттықтарының жалпы көлемі 2018 жылдың сәйкес кезеңімен салыстырғанда 36 % төмендеп, 108,4 млрд. теңгені құрады.

2019 жылы "Қазатомөнеркәсіп" Ұлттық атом компаниясы" АҚ акциялары KASE Индексінің өкілетті тізіміне енгізілді. Осылайша, есептік жылдың аяғында KASE Индексіне сегіз атаудағы акциялар кірді. Есептік жылдың қорытындылары бойынша индекстелген акциялар арасындағы өсімнің көшбасшысы "Қазақстан Халық жинақ банкі" АҚ бағалы қағаздары болды. "Казкоммерцбанк" АҚ-ын сатып алғаннан кейін эмитент банктік қызмет көрсету нарығында ең үлкен үлесті иеленеді, тұрақты кірістілігі мен капиталдың жеткіліктілігінің жоғары деңгейіне ие. "Қазақстан Халық жинақ банкі" АҚ 2019 жылдың қаңтар-маусым айыларында ХҚЕС бойынша 164,2 млрд. теңге мөлшерінде шоғырландырылған таза пайда алды, бұл 2018 жылғы қаңтар-маусым айларына қарағанда 1,9 есе көп. Банктің тиімді операциялық көрсеткіштерінен басқа, инвесторлар қауымдастығы дивидендтік саясатты жаңартуға оң жауап берді. Маусым айының соңында "Қазақстан халық жинақ банкі" АҚ Директорлар кеңесі банктің дивидендтік саясатына өзгертулер мен толықтыруларды мақұлдады, оған сәйкес банктің шоғырландырылған таза кірісінің кем дегенде 50 % және 100 % дейін дивидендтерді төлеуге жұмсалады (бұрын – 15 % бастап 50 % дейін).

Бағаның өсуі жағынан екінші орында - "Кселл" АҚ акциялары, олардың бағасына 25,9 % қосылды. Компания акцияларының өсуіне ықпал ететін негізгі оң факторлардың бірі – нарықтағы стратегиялық позициясының нығаюы есебінен компания кірісінің өсу мүмкіндігі. Компанияның "Қазақтелеком" АҚ құрамына енуі қызметтердің сапасына ерекше назар аудара отырып, тұрақты орта қалыптастырды.

"KEGOC" АҚ акциялары бағасының өсуі 2019 жылы 1,5 % құрады. Бірінші жартыжылдықтың қорытындылары бойынша компания 2018 жылдың сәйкес кезеңімен салыстырғанда табыстың 48 %-ға, яғни, 191 млрд теңгеге дейін өскенін хабарлады, ал қарастырылып отырған кезеңдегі таза пайда 7 %-ға немесе 29,7 млрд теңгеге дейін төмендеді. Табыстың өсуі негізінен қызметтің жаңа түрінен 52 млрд. теңге түсімге (жүктемені көтеруге қуаттылықтың әзірлігі), сондай-ақ қызметтің басқа салаларында кірістің қалыпты өсуіне байланысты болды.

2019 жылы ең үлкен төмендеу "Қазақтелеком" АҚ (-19,1 %) және "ҚазТрансОйл" АҚ (-22,8 %) акциялары бойынша тіркелді.

7 сурет. 2017-2019 жылдардағы KASE Индексінің қозғалысы, %

8 сурет. KASE индексінің компоненттерінің баға белгілеулерінің динамикасы, %

Есептік жылы "Қазақтелеком" АҚ ұлттық телекоммуникациялық байланыс операторының жай акцияларының баға белгілеулері бірқатар маңызды корпоративтік жаңалықтардың аясында жоғары құбылмалылыққа ұшырады. Инвесторлар ауқымды капиталды шығындарды, биржалық сауда-саттықтың өсуін және облигациялар түрінде қосымша сыртқы қаржыландыру тартуды ескере отырып, компанияның жағдайына әртүрлі баға берді.

2019 жылдың қараша айынан бастап акциялар бағасы оң аралық қаржылық есеп берушілік жарияланғаннан кейін қалпына келе бастады. 2019 жылдың 30 қыркүйегінде аяқталған тоғыз айда "Қазақтелеком" АҚ кірісі 2018 жылдың тиісті кезеңімен салыстырғанда 90 %-ға немесе 298,6 млрд. теңгеге дейін өсті. Табыстың өсуі негізінен ұялы байланыс қызметінен түскен табыстың өсуіне байланысты болды. ҚЕХС таза пайда 26,6 % өсті.

Есептік жылы "ҚазТрансОйл" АҚ акцияларына бірқатар жағымсыз корпоративтік жаңалықтардың шығуына байланысты "аюлар" қысым көрсетті. Нарықтың жағымсыз реакциясының негізгі себебі дивидендтер төлемдерінің мөлшерінің сәйкес келмеуі болды, олар 2019 жылы IPO басталғаннан бері алғаш рет акционерлердің күткен нәтижесімен ұлғайтылмады.

Бағалы қағаздар нарығының капитализациясы 2019 жылы 11,2 % өсіп, 17,2 трлн теңгеге жетті. Көрсеткіштің өзгеруі бірнеше компаниялардың акциялары бойынша осы көрсеткіштің есебіне қосылуы және жекелеген акциялар атауларының бағасы айтарлықтайөсуіне байланысты болды.

9 сурет. Соңғы 5 жылдағы листингілік акциялар санының динамикасы

КОРПОРАТИВТІК ОБЛИГАЦИЯЛАР

2019 жылы KASE корпоративтік облигациялар нарығындағы сауда-саттықтың жалпы көлемі 2018 жылмен салыстырғанда 17,6 % немесе 406,1 млрд теңгеге артып, 2,7 трлн теңгені құрады. Көлемнің өсуі бастапқы және қайталама нарықта байқалды.

Орташа күндік көлем 11 038.9 млн. теңге деңгейінде болды (қайталама нарықта – 3 097.1 млн.теңге), мәмілелердің орташа күндік саны – 11, бір мәміленің орташа көлемі – 1 004.3 млн.теңге (қайталама нарықта – 325.5 млн. теңге).

Барлығы Биржада 27 эмитенттің 42 облигациясы орналастырылған. Жалпы қаржы тарту көлемі 2 трлн. теңгеге жетіп, 5,1 % немесе 95,5 млрд. теңгеге артты. Нарықтық орналастырулардың мөлшерлемелері жылдық 9-12,0 % аралығында өзгерді.

Корпоративтік облигациялардың бастапқы нарығында инвесторлардың негізгі санаттары бойынша екінші деңгейдегі банктер 18,3 %, брокер-дилерлер – 1,5 %, басқа институционалды инвесторлар – 75,5 %, басқа заңды тұлғалар – 3,7 %, жеке тұлғалар – 0,9 %. Резидент еместердің үлесі 8,9 % құрады. Есептік жылда корпоративтік облигациялардың қайталама нарығындағы сауда-саттық көлемі 68,9 %-ға 761,9 млрд. теңгеге дейін өсті.

Инвесторлардың негізгі санаттары бойынша жалпы брутто-айналымының ең үлкен үлесін 37,3 % құрайтын ЕДБ алады, екінші орында 32 % қатысу үлесі бар заңды тұлғалар, басқа институционалды инвесторлар – 27,2 %, брокерлер-дилерлер 2,6 %. Нарықтың осы сегментіндегі жеке тұлғалардың үлесі 1 % құрады. Резидент еместердің қатысуы 1,7 % бағаланды.

МЕМЛЕКЕТТІК БАҒАЛЫ ҚАҒАЗДАР

Биржадағы МБҚ сауда-саттықтарының көлемі 1,8 трлн теңгені құрады және 2018 жылмен салыстырғанда 10,9 % -ға өсті.

Сауда-саттықтың орташа күндік көлемі 7 413,4 млн. теңгені құрады (қайталама нарықта – 1532,8 млн. теңге), мәмілелердің орташа күндік саны – 4, бір мәміленің орташа көлемі 2 056,0 млн. теңгені (қайталама нарықта – 591,0 млн. теңге) құрады.

2019 жылы бастапқы нарықтың көлемі 1,4 трлн теңгеге жетті, бұл 2018 жылдың нәтижесінен 69,5 %-ға артық. Оның ішінде Мемлекеттік және үкіметтік бағдарламаларды жүзеге асыру аясында 14 облыстың және Нұр-Сұлтан, Алматы және Шымкент қалаларының әкімдіктері 108,9 млрд. көлемінде қаржы тартты

12 сурет. Мемлекеттік бағалы қағаздар нарығындағы сауда-саттықтардың көлемі, млрд KZT

KASE сауда-саттықтарында тартқан Қаржы министрлігінің қарыз көлемі 1,3 трлн. теңгені құрады. Бұл сома 2019 жылға жоспарланған тарту көлеміне сәйкес келді және 2018 жылғы көрсеткіштен 592,3 млрд теңгеге (80 %) жоғары. Қаржы министрлігінің орналастыру аясындағы кірістілік жылғы 8,46 %-9,9 % аралығында өзгерді. Орналастырылған облигациялардың мерзімі екі жылдан 20 жылға дейін.

Бастапқы нарықтағы инвесторлардың негізгі санаттары бойынша екінші деңгейдегі банктердің үлесі 0,6 %, басқа институционалды инвесторлардың үлесі – 91,4 %, басқа заңды тұлғалардың үлесі 8 % құрады.

Қайталама нарықтағы сауда-саттықтың көлемі 52,4 %-ға немесе 414,3 млрд. теңгеге азайып, 377,1 млрд. теңгені құрады. Ұлттық Банктің нотталарымен қайталама нарықтағы сауда-саттық үлесі жалпы сауда айналымының 89 % құрады, бұл 2018 жылғы 85,5 %-ды құрады, бұл ретте айналыстағы ноталардың көлемі біршама азайып, 3,4 трлн теңгені құрады.

2019 жылдың қыркүйегінен бастап шетелдік МБҚ – Украина Қаржы министрлігінің, Түрік Республикасының және Оман Сұлтанатының облигациялары Биржаның ресми тізіміне енгізілді. Аталмыш облигациялармен жасалған мәмілелердің көлемі 686,9 млн. теңгені құрады, 81 мәміле жасалды.

Қайталама нарықтағы инвесторлардың негізгі санаттары бойынша екінші деңгейдегі банктердің үлесі – 41,6 %, брокер-дилерлер – 3,7 %, басқа институционалды инвесторлар 33,3 %, басқа заңды тұлғалар – 21,2 %, жеке тұлғалардың үлесі 0,3 % құрады. Резидент еместердің қатысуы 0,1 % бағаланады.

13 сурет. Мемлекеттік бағалы қағаздар нарығындағы инвесторлардың негізгі санаттарының үлестері, %

Есептік жылдың аяғында KASE сауда- саттық тізімдерінде бес халықаралық қаржы ұйымдарының: Азия Даму Банкі, Еуразиялық даму банкі, Еуропалық қайта құру және даму банкінің, Еуропалық инвестициялық банктің, Халықаралық қаржы корпорациясының 30 облигациялар шығарылымы болды.

2019 жылы сауда-саттық көлемі 540,2 млрд теңгені құрады, бұл 2018 жылдың нәтижесінен 5,3 есе артық.

Бастапқы нарықтағы сауда-саттықтың көлемі 534,0 млрд. теңгеге жетті. Бір жыл ішінде Азия Даму Банкі 45,9 млрд. теңге қаржы тартып, жеті жылдық және екі жылдық облигациялар орналастырды, орнатылған маржасын инфляция деңгейінен жылдық 1,3 %,1 % және 1,5 % үстем. Халықаралық қаржы корпорациясы екі жылдық халықаралық облигациялардың екі шығарылымын жылдық 8,95 % және 9,5 %-бен орналастырып, жазылым арқылы 32,4 млрд. теңге қаржы тартты. Еуразиялық даму банкі үш, бес жылдық және үш айлық дисконттық облигацияларын тиісінше жылдық 9,7 %, 9,5 % және 9,2032 %-бен орналастыру арқылы 79,8 млрд. теңге қаржы тартты. Еуропалық қайта құру және даму банкі жылдық 1,0-1,5 % маржамен бес, алты, жеті, сегіз жылдық халықаралық облигацияларды жазылу арқылы орналастырып, 376,0 млрд. теңге көлдемінде қаржы тартты.

Қайталама нарықтағы сауда-саттық көлемі 6,1 млрд. теңгені құрады, Еуразиялық даму банкінің облигацияларымен және 3 IFC облигацияларымен барлығы 16 мәміле жасалды.

14 сурет. ХҚҰ облигациялары нарығындағы сауда-саттық көлемі,млрд KZ

Жалпы алғанда, нарықтың осы секторында инвесторлардың негізгі санаттары бойынша екінші деңгейдегі банктердің шоттарының үлесі 3,1 %, брокерлік-дилерлер – 0,2 %, басқа институционалды инвесторлар – 85,6 %, өзге заңды тұлғалар – 11,0 % болды. Нарықтың осы сегментіндегі жеке тұлғалардың үлесі 0,1 % төмен болды.

15 сурет. ХҚҰ облигацияларының сауда-саттықтарының жалпы брутто-ай- налымындағы инвесторлардың негізгі санаттарының үлестері, %

ИНВЕСТИЦИЯЛЫҚ ҚОРЛАРДЫҢ БАҒАЛЫ ҚАҒАЗДАРЫ

2019 жылдың соңында инвестициялық қорлардың бағалы қағаздары секторында 8 компания басқаратын 11 құрал болды.

2019 жылдың ішінде KASE ресми тізіміне 3 акциялар шығарылымы және бір ETF кірді: “Фридом Финанс” АҚ басқаруындағы "GoodWill" ИҮИҚ үлеспұлдары, “First Heartland Jysan Invest” АҚ басқаратын "Өтімді" ИҮИҚ және "Пайыздық" ИҮИҚ үлеспұлдары және SPDR Series Trust (АҚШ) шығарған US78468R6633 SPDR Bloomberg Barclays 1-3 Month T-Bill ETF акциялары.

16 сурет. Қаржы құралдары бойынша инвестициялық қорлардың бағалы қағаздары нарығындағы смәмілелердің көлемі, млн KZT

17 сурет. Инвестициялық қорлардың бағалы қағаздары сауда-саттықтарының жалпы брутто-айналымындағы инвесторлардың негізгі санаттарының үлестері, %

Есептік жылда сауда-саттықтың көлемі 909,9 млн.теңгені құрады, бұл 2018 жылдың нәтижесінен 21 есе артық.

Көлемі бойынша көшбасшылар "Сентрас Секьюритиз" АҚ басқаратын CSECfe үлеспұлдары болды, олармен 323,0 млн. теңге сомасына 56 мәміле жасалды, "Фридом Финанс" АҚ басқаруындағы ASYL_ор үлеспұлдары екінші орында, көшбасшылар үштігін SPDR Bloomberg Barclays 1-3 Month T-Bill ETF акциялары бекітті.

Инвесторлардың негізгі санаттары тұрғысынан жалпы көлемнің 40,7 % жеке тұлғаларға, 8,1 % брокер-дилерлерге, 3 % басқа институционалды инвесторларға, 48,3 % басқа заңды тұлғаларға тиесілі.

Ақша нарығындағы сауда-саттықтың жалпы көлемі өткен жылдың сәйкес кезеңімен салыстырғанда 7,1 % немесе 7,8 трлн теңгеге төмендеп, 101,7 трлн теңгеге жетті.

РЕПО ОПЕРАЦИЯЛАРЫ

2019 жылы репо операцияларының жалпы көлемі 72,7 трлн теңгені құрады, бұл 2018 жылғы көлемнен 3,1 трлн теңгеге немесе 4,2 %-ға кем. Репо операцияларының 97 %-дан астамы мемлекеттік бағалы қағаздар қоржынымен жасалған автоматты репо операциялары болды.

Репо операцияларының орташа күндік көлемі 295,6 млрд. теңгені құрады.

KASE сауда-саттық жүйесінде орталық контрагенттің (ОК) қызметтері іске қосылуына байланысты, ОК-пен автоматты репо операциялары және ОК-пен тікелей репо операциялары пайда болды. Желтоқсан айында аталған операциялардың көлемі тиісінше 12,1 млрд және 3,3 млрд теңгені құрады.

Ақша нарығының индикаторы TONIA алғашқы бес айда салыстырмалы түрде тұрақты болды, TONIA орташа мәні 8,19 % құрады, келесі айларда құбылмалылықтың амплитудасы жоғарылап, маусым- желтоқсан аралығындағы TONIA орташа мәні 8,6 % құрады. TONIA бір жылдағы орташа көрсеткіші жылдық 8,43 % құрады.

TWINA ақша индикаторы TONIA құбылмалылығының нысанын қайталады, бірақ тербелістердің амплитудасы аз болса, 2019 жылдың 12 айында оның орташа мәні жылдық 8,55 % құрады.

18 сурет. Репо операциялары нарығындағы сауда-саттықтардың көлемі, трлн KZ

19 сурет. Қазақстандағы инфляция және пайыздық мөлшелемелер, жылдық %

ВАЛЮТАЛЫҚ СВОП ОПЕРАЦИЯЛАРЫ

Валюталық своп операцияларының жалпы көлемі 2018 жылдағы 33,6 трлн теңгеден 2019 жылы 29 трлн теңгеге дейін немесе 13,9 % -ға азайды.

2019 жылы валюталық своп операцияларының орташа айлық көлемі 2 426,5 млрд. теңгені құрады.

АҚШ доллары/қазақстандық теңге валюталық жұбымен жасалған операциялардың үлесі валюталық своп операцияларының жалпы көлемінде 99,9 % құрайды.

20 сурет. Валюталық своп нарығындағы сауда- саттықтардың көлемі, трлн KZ

2019 жылы алғаш рет еуро/теңге валюталық жұбымен валюталық своп операциялары жасалды, олардың жалпы көлемі 128 млн. теңгені құрады. Рубль/теңге валюталық жұбымен жасалған операциялар көлемі 2018 жылғы 219,5 млн. теңгеден 20,5 %-ға төмендеп, 179,5 млн. теңгені құрады.

2019 жылы АҚШ доллары бойынша валюталық своп операциясының мөлшерлемесі жыл барысында максималды мәні USDKZT_1D бойынша жылдық 11 % және USDKZT_2D жылдық 10,19 % деңгейіне жетті.

2019 жылы Биржада бір жылға дейінгі валюталық своп операцияларын жасасу үшін арналған қаржы құралдары енгізілді, бұл нарықтың дамуындағы айтарлықтай прогресс болды. Жаңа құралдар валюталық тәуекелді хеджерлеу және валюталық жайғасымды басқару үшін үлкен мүмкіндіктер береді.

Валюта нарығындағы сауда-саттық көлемі 11,1 трлн теңгені құрады, бұл өткен жылдың тиісті кезеңімен салыстырғанда 17,1 % немесе 2,3 трлн теңгеге төмен. Жыл басынан бері биржаның 33 мүшесі валюталық нарықтағы сауда-саттыққа қатысты. Сауда-саттықтың орташа күндік көлемі 45,3 млрд. теңгені құрады, мәмілелердің орташа күндік саны – 324, бір мәміленің орташа көлемі 139,9 млн. теңге болды.

2019 жылы бағамның құбылмалылығы тоқтатылды. Биржалық нарықта сәуірден бастап теңгенің АҚШ долларына сұранысы мен ұсынысының бағамының спрэді 2019 жылдың бірінші тоқсанындағы 0-1,0 теңгемен салыстырғанда 0-0,4 теңге аралығында шоғырланды. ҚРҰБ ресми сайтының мәліметтері бойынша, реттеуші 2019 жылы ішкі валюта нарығында интервенцияларды жүзеге асырған жоқ.

21 сурет. Шетел валюталары нарығындағы сауда- саттықтардың көлемі